चैत्र १७ काठमाण्डौँ । एमाले सचिवालयको बैठक जारी छ । बैठकमा अध्यक्ष केपी शर्मा ओली पक्राउपछिका पार्टीका रणनीति, संसद्मा एमालेको भूमिका र समसामयिक विषयमा छलफल भईरहेको छ ।
यसैगरी सरकारको सिफारिसमा राष्ट्रपतिले बिहीबार संसद् बैठक आह्वान गरेको छ। यसैबीच एमालेले संसदीय दलको नेता, प्रमुख सचेतकलगायत छनोट गर्न पनि बाँकी रहेको छ।
सिंहदरबारमा शुक्रबार बसेको प्रधानमन्त्री बालेन्द्र शाह नेतृत्वको सरकारको पहिलो मन्त्रिपरिषद् बैठकले जाँचबुझ आयोगले सिफारिस गरेको विषयहरू कार्यान्वयन गर्ने भन्दै गत शनिबार पूर्वप्रधानमन्त्री एवम् अध्यक्ष केपी शर्मा ओली पक्राउ परेका छन्।
जेनजी आन्दोलनको छानबिन बन्न बनेको आयोग र आयोगका अध्यक्ष गौरी बहादुर कार्कीमाथि नै विगतदेखि नै प्रश्न उठिरहेको भन्दै एमालेले अस्वीकार गर्दै आएको छ। एमालेले यस अगाडिको सचिवालय बैठकमा आयोगद्वारा प्रस्तुत प्रतिवेदन पूर्वाग्रही,प्रतिशोधपूर्ण र अनुसन्धानको न्यायिक सिद्धान्तविपरीत रहेको ठहर गर्दै सर्वोच्च अदालतको बहालवाला न्यायाधीशको अध्यक्षतामा हुनुपर्ने माग गरेको थियो।
ओली पक्राउ पछि एमालेले सडकमा विरोध कार्यक्रम गर्दै आएको छ ।
