४ माघ, काठमाडाैं । देशकै सबैभन्दा धेरै जनसंख्या भएकाे स्थानीय तह काठमाडाैं महानगरपालिकाका मेयर बालेन्द्र शाह ‘बालेन’ले मेयर पदबाट राजीनामा दिएका छन् ।
आगामी फागुन २१ मा हुन लागेकाे प्रतिनिधिसभाकाे निर्वाचनमा भाग लिन उनले आज राजीनामा दिएका हुन् । राजीनामा पत्र उपमेयर सुनिता डंगाेलसमक्ष बुझाएका छन् ।
बालेन प्रतिनिधिसभा सदस्यका लागि झापाकाे क्षेत्र नं. ५ बाट चुनाव लड्ने पक्का भएकाे छ । जुन क्षेत्रमा एमालेका अध्यक्ष केपी ओली पनि चुनाव लड्दैछन् । महानगरमा मेयर भएदेखि नै विकास, फाेहाेर व्यवस्थापन, कर्मचारी नियुक्ति, सार्वजनिक जग्गामा बसाइएकाे सुकुम्बासी बस्ती हटाउने लगायत विषयमा ओलीसँग बालेनकाे टसल पर्दै आइरहेका छन् । उक्त काममा ओलीले सधैं विराेध र असहयाेग गरेका थिए । त्यतिमात्र हाेइन, उपमेयर डंगाेल ओलीका भक्त हुन् ।
यसपछि बालेन ओलीलाई हराएर सहज रूपमा विकास गर्ने याेजनासाथ मेयर पद बिचमै त्यागेर चुनावमा हाेमिएका हुन् । उनी रास्वपाबाट चुनाव लड्दैछन् । रास्वपाले उनलाई भावि प्रधानमन्त्रीकाे रूपमा अगाडि बढाउने भएकाे छ ।
