काठमाण्डौँ । जेनजी आन्दोलनपछि बनेको सरकारी प्रधानमन्त्री शुसीला कार्कीले तीन मन्त्रीलाई राजीनामा दिन दबाब दिएकी छन् ।
रास्वपा उपसभापति बनेका मन्त्री कुलमान घिसिङ, सञ्चारमन्त्री जगदीश खरेल र खेलकुद मन्त्री बब्लु गुप्तालाई राजीनामा दिन प्रधानमन्त्रीले भनेकी छन् ।
तर उनीहरुले आनाकानी गरीरहेका छन् । यति सम्म कि मन्त्री घिसिङले त आफू कुनै राजनीतिक दलको सदस्य नभएको भन्दै राजीनामा दिएका छैनन् । उनको संरक्षणमा बनेको उज्यालो नेपाल पार्टी रास्वपासँग मिसिएर कुलमानलाई उपसभापति बनाउने समझदारी भईसकेको छ । उनले उर्जा , भौतिक पुर्वाधार सहित तीन मन्त्रालय सम्हालीरहेका छन् ।
यसै गरी सञ्चारमन्त्री जगदीश खरेलले पनि बालेन, कुलमान एक हुने कार्यक्रममा स्वागत भाषण गरेका थिए ।
यसै गरी खेलकुद मन्त्री बब्लु गुप्ताले पनि रास्वपाको राजनीतिक गतिविधि गरीरहेको आरोप छ ।
यो नागरिक सरकार भएकाले यसले निष्पक्ष निर्वाचन गर्नु पर्ने भएकाले दलमा लागेका मन्छेहरु मन्त्री पदमा बसिरहन नहुने प्रधानमन्त्री कार्कीले बताउदै आएकी छन् ।
