नेपाली कम्युनिस्ट पार्टीका संयोजक पुष्पकमल दाहाल ुप्रचण्डुले कम्युनिस्ट पार्टीहरूबीचको एकता रणनीतिक नभएको स्पष्ट पारेका छन्। बुधबार राष्ट्रिय सभा गृहमा नेता भीम रावललाई समाहित गराउँदै संयोजक प्रचण्डले कम्युनिस्टहरूको आवश्यकता अपरिहार्य रहेको बताए।
यो ट्याक्टिकल एकता होइन। चुनावका लागि गरिएको एकता पनि होइन। राष्ट्र बचाउनुपर्ने ऐतिहासिक आवश्यकता आइपर्यो। त्यो वस्तुगत आवश्यकता देखेर एकताको सुरुवात गरेका हौं, संयोजक प्रचण्डले भने।
उनले १० बाट १२ घटक पुगेको र आगामी दिनमा यो संख्या बढेर जाने दाबी गरे। ुयही तरिकाले अघि बढ्दै जाने हो भने नेपालमा अरु दल नै नरहने हो कि भन्ने पनि आयो, उनले भने।
संयोजक प्रचण्डले आफूहरू नेकपाका तीता मिठा कुरा स्मरण गर्दै गल्ती कमजोरीलाई सच्याउँदै अगाडि बढ्नुपर्ने आवश्यकता देखिरहेको बताएका थिए।
उनले जेनजी युवाहरुलाई गोली हानेका केपी ओली र जेनजी आन्दोलनलाई समर्थन गर्ने प्रचण्डहरुलाई उस्तै देख्ने भास्य साम्राज्यवादीहरुको भएको भन्दै जेनजी युवाहरुलाई आगामी महाधिवेशन र निर्वाचनमा उल्लेख्य सहभागीता गराउने प्रतिवद्धता व्यक्त गरे ।
उनले केपी ओलीले मदन भण्डारीको परिवारलाई नै विभिन्न आरोप लगाएको भन्दै अब एमालेमा पहिरो जाने दाबी पनि गरे ।
