कार्तिक २४ काठमाण्डौँ । भदौ २३ र २४ गतेको जेनजी आन्दोलन र विध्वंश पछि शुसीला कार्कीको नेतृत्वमा गठित अन्तरीम सरकारले आगामी फागुण २१ गतेका लागि निर्वाचन घोषणा गरेर तयारी गरीरहेको छ ।
तर एमाले संस्थागत निर्णय नै गरेर संसद पुनस्थापनाको पक्षमा उभिएको छ भने मध्यमार्गी निर्णय गरेको काँग्रेस पनि यतिखेर एमालेको पछि लाग्दै निवर्तमान सांसदहरुको हस्ताक्षर संकलन गरेर अघि बढीरहेको छ ।
यानेकी संसदको प्रमुख दुई दल नै निर्वाचन भन्दा संसद पुनस्थापनाको पक्षमा लागिरहँदा निर्वाचन हुनेमा संसय पैदा गर्ने देखिदै गएको छ ।
अझ एमालेले त सडकमै प्रदर्शनका कार्यक्रमहरु घोषणा गर्दै यो सरकारले निर्वाचन नगराउने बताईरहेको छ ।
नेपाली कम्युनिष्ट पार्टी सहित विभिन्न दल भने चुनावको तयारीमा लागिरहेका छन् ।
काँग्रेस र एमालेको हस्ताक्षर र सडक प्रदर्शन अभियान र सरकारले पनि भयरहित वातावरण बनाउन नसकिएका बेला फागुण २१ मा निर्वाचन हुनेमा शंका पैदा शुरु हुन थालिसकेको छ ।
एकातिर जेलबाट भागेका कैदीहरु पक्राउ परीनसकेको र लुटिएका संयौ हतियार बाहिरै रहेकाले पनि निर्वाचनको भयरहित वातावरण बनेको विस्वास गर्न दलहरु तयार छैनन् ।
