काठमाडौँ । नवगठित नेपाली कम्युनिष्ट पार्टीले सात वटै प्रदेशमा एकता सन्देश सभा गर्ने भएको छ । पेरिसडाँडामा बसेको केन्द्रीय महाधिवेशन आयोजक समितिको सचिवालय बैठकले यस्तो निर्णय गरेको हो ।
पार्टीका प्रवक्ता अग्निप्रसाद सापकोटाद्वारा शनिबार जारी प्रेस नोटमा बैठकले आगामी दिनमा पार्टीका कार्यक्रमहरूलाई थप व्यवस्थित र प्रभावकारी बनाउनेमा जोड दिएको छ । बैठकले सबै प्रदेशहरूमा एकता सन्देश सभाका कार्यक्रमहरू सञ्चालन गर्ने निर्णय गरेको छ । जसले पार्टी एकताको सन्देशलाई देशभर फैलाउने लक्ष्य राखेको छ ।
त्यसैगरी घोषित निर्वाचनको तयारीसम्बन्धी कार्यक्रमहरूलाई व्यवस्थित र प्रभावकारी ढङ्गले अभियानका रूपमा अगाडि बढाउने निर्णय पनि बैठकमा निर्णय गरिएको छ । साथै पार्टीले निर्वाचनको तयारीलाई पनि तीव्र पार्ने जनाएको छ ।
पार्टी बैठकले जनवर्गीय संगठन, मोर्चा तथा सहायक संगठनहरूलाई सम्बन्धित तहका पार्टीसँग समन्वय गरी जनपरिचालन गर्न निर्देशित गरेको छ । यसबाट पार्टीका विभिन्न भ्रातृ संगठनहरूलाई सक्रिय बनाई जनस्तरमा पार्टीको उपस्थिति बलियो बनाउने उद्देश्य राखिएको छ ।
_Ghk2pNwRhO.png)
