राष्ट्रिय स्वतन्त्र पार्टी(९रास्वपा) ले संविधानलाई ट्रयाकमा ल्याउन निर्वाचनको विकल्प नभएको निष्कर्ष निकालेको छ ।
चितवनको सौराहामा शुक्रबार सुरु भएको विस्तारित बैठकमा कार्यवाहक सभापति डीपी अर्यालले प्रस्तुत गरेको राजनीतिक प्रतिवेदनमा निर्वाचनको आवश्यकता र सरकारको जिम्मेवारीबारे जोड दिइएको छ।
‘दलीय व्यवस्थामा विशेष परिस्थितिका कारण गैर–दलीय सरकार बनेको छ,’ प्रतिवेदनमा भनिएको छ, ‘निर्वाचन गराउने मूल दायित्व बोकेको सरकारले चुनावी वातावरण निर्माणमा निरन्तर सचेत र खबरदारी गर्नुपर्ने छ।’
उनका अनुसार संविधानलाई कार्यान्वयनको ट्रयाकमा ल्याउन निर्वाचन अपरिहार्य छ। ‘लोकतान्त्रिक प्रतिस्पर्धामा विश्वास राख्ने राजनीतिक दललाई पनि चुनावप्रति प्रतिबद्ध हुन प्रोत्साहित गर्न आवश्यक छ,’ उनले प्रतिवेदनमा उल्लेख छ।
साथै प्रतिवेदनमा तीन ठूला दलले सरकारलाई म्युजिकल चेयरका रुपमा प्रयोग गर्दा जेनजी विद्रोहले विष्फोटको रुप लिएको ठहर गरेको छ ।
साथै पार्टीको नेतृत्व अरुलाई दिने गरी कुनै पनि नेताहरु भित्र्याउन नहुने पनि धारणा औल्याईएको छ ।
