नेकपा (एमाले) को ५८ औं सचिवालयको बैठक शुक्रबार अध्यक्ष केपी शर्मा ओलीको निवास गुण्डुमा बस्दैछ। बैठक बिहान ११ बजेपछि शुरु हुनेछ । आज बस्ने बैठकले केन्द्रीय कमिटी बैठकका कार्यसूची तय गर्नेछ। एमाले केन्द्रीय कमिटीको बैठक यही असोज २७, २८, २९ गते तय गरिएको छ।
यसका अतिरिक्त आज बस्ने बैठकमा सचिवालय सदस्यहरूले धारणा राख्नेछन्। गत भदौ २३ र २४ गतेको जेन–जी विद्रोह, त्यसपछि उत्पन्न परिस्थितिको गम्भीर समीक्षा गरिनुपर्ने बताउँदै आएका अधिकांश सचिवालय सदस्यहरूले आज धारणा राख्नेछन्।
कतिपय सचिवालय सदस्यहरूले आजको बैठकमा पार्टी पुनर्गठनको प्रस्ताव राख्नेसमेत बताएका छन्। पार्टी उपाध्यक्ष सुरेन्द्र पाण्डे, युवराज ज्ञवाली, सचिव योगेश भट्टराई, गोकर्ण विष्टलगायतले अध्यक्ष ओलीले पद त्याग गर्नुपर्ने समेत बताइरहेका छन्।
आजको बैठकमा ती भर्चुअल छलफलबारे पनि ओलीले बताउने कार्यसूची रहेको केन्द्रीय कार्यालयले जानकारी दिएको छ।
यसै गरी एमालेले संसद पुनःस्थापनाको माग लिएर सडकमा जाने तयारी गरेको छ।
