असोज ३ काठमाण्डौँ । पूर्व प्रधानमन्त्री एवं एमाले अध्यक्ष केपी शर्मा ओलीले जेनजी आन्दोलनपछि पहिलो पटक सार्वजनिक अभिव्यक्ति दिएका छन् ।
संविधान दिवसका अवसरमा शुभकामना सन्देश जारी गर्दै उनले भदौ २३ गते भएको जेनजी आन्दोलनमा गोली हान्ने आदेश नदिएको बताएका छन् ।
ओलीले आन्दोलनकारीमाथि प्रहरीसँग नभएका स्वचालित हतियारबाट गोली चलेको भन्ने सुनिभएको र यसको छानविन हुनु पर्ने पनि बताएका छन् ।
उनले यो आन्दोलनमा ठूलो षड्यन्त्र र घुसपैठ भएको, आफ्नो राजीनामा पछि सिंहदरबार जलाईएको र देशको नक्सा जलाएर निशानी मेटाउन खोजीएको बताएका छन् ।
ु हामी यतिबेला हाम्रो संविधानमाथि ठूलो आक्रमण भएको अवस्थामा छौँ। प्रधानमन्त्रीबाट मेरो राजीनामापछि सिंहदरबार जलाइएको छ , नेपालको नक्सा जलाइएको छ, देशको निशानी मेटाउन खोजिएको छ। जनप्रतिनिधि संस्था, न्यायालय, व्यापारिक प्रतिष्ठान र राजनीतिक दलका कार्यालय, तिनका नेता कार्यकर्ताको घर, व्यक्तिगत सम्पत्ति छानीछानी खरानी बनाइएको छ,ु उनले भनेका छन्।
,यसका पछाडिको षड्यन्त्रबारे आज म धेरै कुरा भन्दिनँ, धेरै कुरा समयले आफै बयान दिनेछ, उनले भनेका छन्, हाम्रो देश बनिरहेको थियो कि बिग्रेको थियो, वा देश बिग्रेको काल्पनिक भाष्य खडा गरेर आक्रोश विस्तार मात्रै गरिएको थियो रु यी सबै कुरा हाम्रो नयाँ पुस्ताले आफैं महसुस गर्ने छ।
