भदौ ३१ काठमाण्डौँ । नेकपा माओवादी केन्दका अध्यक्ष प्रचण्ड जेनजी आन्दोलनपछि पहिलो पटक सार्वजनिक भएका छन् । पेरिसडाडामा रहेको जलेको कार्यलयको अवलोकनपछि उनले जेनजी आन्दोलनका शहीदहरुको स्मरण गर्दै श्रदाञ्जली दिएका थिए ।
त्यसपछि पत्रकारहरुसँग कुरा गर्दै अध्यक्ष पचण्डले कार्यलय जलाईयो र जले पनि देश विदेशमा रहेका पार्टी सदस्यहरुको सहयोगमा अझ भव्य र नयाँ पार्टी कार्यलय बनाउने उद्घोष गरेका हुन् ।
आगजनीबाट केही माइन्युट र पुस्तकालय जोगिएको भन्दै त्यहाँका श्रमिकलाई धन्यवाद समेत दिए। ‘पार्टी कार्यालयका सबै कोठाहरु, मजदुर, वाइसीएलका कार्यालयको पनि अवलोकन हामीले गर्यौँ,’ प्रचण्डले भने, ‘निकै ठूलो क्षति भएको हामीले देख्यौँ। फेरि पनि पार्टीका माइन्युटहरू बचेको भन्ने सुने मैले।’
‘त्यसको लागि यहाँ काम गर्नेहरुलाई धन्यावद भन्न चाहान्छु। त्यसैगरी केही कम्प्युटर र पुस्तकालय बचेको रहेछ। त्यसको लागि पनि धन्यावद भन्न चाहान्छु,’ उनले थपे।
दुई दिनमै पार्टीका युवाहरुले धेरै सफाइ गरिसकेको भन्दै उनले आभार समेत व्यक्त गरे। ‘अहिले सफाइ कार्यक्रममा तपाईं युवाहरु सहभागी हुनुभएको छ,’ प्रचण्डले भने, ‘दुई दिनमा नै तपाईंहरुले सफाइलाई एउटा स्तरमा पुर्याइसक्नुभएको रहेछ। त्यसको लागि सबैलाई धन्यवाद भन्न चाहन्छु।’
