काठमाडौँ । नेकपा एमाले अध्यक्ष तथा प्रधानमन्त्री केपी शर्मा ओलीले एमाले भित्र आफूलाई चुनौती दिने बिद्या भण्डारी बाहेक कसैसँग पनि दम नभएको जिकिर गरेका छन् ।
बुधबार साँझ बालुवाटारमा भेटेर काठमाडौँ लगायतका विधान महाधिवेशन प्रतिनिधिहरूसँग कुरा गर्दै ओलीले आफूलाई चुनौती दिन खोज्ने बिद्या भण्डारीलाई सफल हुन नदिने चेतावनी पनि दिए ।
साथै उनले फरक मत ल्याउनेको पनि हिशाब किताब राख्ने भन्दै भण्डारीको पक्षमा लागेका ईश्वर पोखरेल सहितका नेताहरुलाई चेतावनी दिएका छन् । ओलीले नै भण्डारीको सदस्यता समेत नबीकरण हुन दिएका छैनन् ।
त्यस क्रममा उनले नेता ईश्वर पोखरेलले बाटो बिराउन खोजेको भन्दै बाटो बिराएर कहीँ नपुगिने जिकिर गरेका छन् ।
पोखरेल बिद्या भण्डारीको पक्षमा खुल्दै आएका छन् ।
नेकपा एमाले काठमाडौँका अध्यक्ष दीपक निरौलाले ओलीको ब्रिफिङलाई बुँदागत रूपमा सामाजिक सञ्जालमा राखेका छन् ।
