१६ चैत, काठमाडौं । हिजो शुक्रबार तिनकुनेमा शान्तिपूर्ण आन्दोलन भनेर शुरु भए पनि बिध्वंश मच्चाउने कार्यमा संलग्न राजावादीहरुलाई प्रहरीले पक्राउ गरेर कार्बाही गर्ने प्रकृया तीव्र पारेको छ ।
हिजै राति सम्म राप्रपाका वरिष्ठ उपाध्यक्ष रविन्द्र मिश्र, सांसद एवं राप्रपा महामन्त्री धवल शमशेर राणा सहित दर्जनौँ पक्राउ परीसकेका छन् । उनीहरुलाई माईतीघर स्थित प्रहरी परिष्रमा राखिएको छ ।
यसै गरी आज बिहानै तीनकुनेको हिंसात्मक आन्दोलनमा ढुंगामुढा गर्ने धर्मगुरु पुष्कर खतिवडालाई पक्राउ गरी प्रहरीले अनुसन्धान शुरु गरेको छ ।
नलाई प्रहरीको विशेष टोलीले इमाडोलस्थित एक घरमा लुकेको अवस्थामा नियन्त्रणमा लिएको हो ।
उनले आन्दोलनका क्रममा ढुंगा हानेका भिडियोहरु सामाजिक सञ्जालमा छाएपछि उनलाई पक्राउ गरिएको प्रहरी स्रोतले जनाएको छ ।
प्रहरीले हिजोको आन्दोलनका कमाण्डर दुर्गा प्रसाईलाई अझै पक्राउ गर्न सकेको छैन ।
प्रसाई वानेश्वरमा प्रहरीलाई नै पेलेर गाडी लिएर भागेका थिए । पछि गैरीगाँउको एउटा सटरमा लुकेर बसेको पाईएको थियो । त्यसपछि स्कार्पियो चढेर हिँडेका उनलाई अहिले सम्म प्रहरीले नियन्त्रणमा लिन सकेको छैन ।
उनलाई खोज्न प्रहरीले तीन वटा टिम परिचालन गरेको छ । हाल सम्म एक सय भन्दा बढी राजावादी आन्दोलनकारी पक्राउ परेको प्रहरीले जनाएको छ ।
