कुलमान घिसिङलाई नेपाल बिद्युत प्राधिकरणको कार्यकारी निर्देशकबाट हटाउने निर्णयले सरकार अप्ठेरोमा परेको छ । माओवादी केन्द्र, रास्वपा, राप्रसा सहित दलले उक्त निर्णयको बिरोध गर्दै सरकारको आलोचना गरेका छन् ।
माओवादी , रास्वपा, एकीकृत समाजवादी सडकमै जनवर्गीय संगठन परिचालन गरेर उत्रिएका छन् ।
नेपाली जनताका नाममा स्वतः नागरिकहरु सडकमा उत्रन थालेका छन् । आज बिहानै देखि ठाँउ ठाँउमा खास गरी माईतीघर हुँदै वानेश्वर क्षेत्रमा प्रदर्शन बढेको हो ।
वानेश्वरको निषेधित क्षेत्र तोड्न कुलमान समर्थकले प्रयास गरेपछि कुलमान समर्थक र प्रहरीबीच धक्कामुक्की भएको छ ।
यसै गरी सिंहदरबारमा पनि प्रदर्शनकारी प्रवेश गर्न खोजेपछि उनीहरुलाई पक्राउ गरिएको छ ।
कुलमान हटाउने निर्णयको बिरुद्ध अहिले सामाजिक सञ्जालमा पनि व्यापक बिरोध भईरहेको छ ।
प्रधानमन्त्री ओली भने , यस्ता बिरोधले कुनै अर्थ नरहने भन्दै अभिव्यक्ति दिईरहेका छन् ।
्कुलमानलाई पटक पटक हटाउन खोजेको सरकारले ६ पटक स्पष्टीकरण लिएर हिजोको मन्त्रीपरिषद बैठकबाट निर्णय गरेरै बर्खास्त गरी हितेन्द्र देव शाक्यलाई नियुक्त गरेको थियो ।
