बिरगंज २१ पौष । नेपाल पत्रकार महासंघको सभा हलमा आज मधेस प्रदेशका खेलकुद तथा समाजकल्याण मन्त्री प्रदिप जैसवालले केही पत्रकारहरुले आफू विरुद्ध भ्रामक तथ्यहिन समाचार लेखिएको भन्दै आपत्ति जनाउँदै अब आफू कानुनीको ढोका ढकढक्याउने बताएका छन् ।
सिध कुरा र केही पत्रकारले आफू मन्त्री जस्तो गरिमामय पदमा बसेको ब्यक्तिको चरित्र हत्या गर्ने र मानमर्दनमाथि आच ल्याउने काम भएकोले बाध्य भएर यो पत्रकार सम्मेलनमार्फत आफुले अपराधी भनेर समाचार लेखेकोमा घोर आपत्ति जनाए ।
मन्त्री जैसवालले भने जिल्ला अदालत र उच्च अदालत बाट समेत आफुलाई सफाइ पाएकाले म र मेरो भाइ माथि यस्तो काल्पनिक समाचार लेखेर कसैको चरित्र हत्या गर्ने काम नगर्न र आजबाट यस्ता गतिविधि कसैबाट नहोस् भनेर अपिल समेत गरेका छन् । अदालतले समेत सफाइ दिइसकेको अवस्थामा मलाई बदनाम गर्ने काम भएको छ त्यो सरासर गलत भएको मन्त्री जैसवालले सो पत्रकार सम्मेलनमा बताएका छन् ।
उनलेे भने केही गलत तत्वहरुले अदालतमा उजुरी दिएको र त्यहीँ तत्वहरुले तथ्यहिन समाचार लेख्न लगाएको हुन सक्ने बताएका हुन । गाउघरमा राम्रो छवि भएकोले स्वतन्त्र भएर पनि निर्वाचन जितेको र जनताको अपार मायाले निर्वाचित समेत भएको बताए ।
पार्टी प्रवेश कार्यक्रममा केही पत्रकारहरुलाई सहयोग खोजेको थियोे होला भनेर मन्त्री जैसवालले भने मैले त्यो २० -३० हजारको भिडमा सहयोग गर्ने कुरा भएन त्यसैले होल ममाथि यस्तो समाचार लेखेको भनेर समेत मन्त्री जैसवालले बताएका छन् ।उनलेे भने देशको प्रधानमन्त्री जस्तो ब्यक्ति केपी शर्मा ओलीको अगाडि एमालेमा हजारौं कार्यकर्ता प्रवेश गराउने काम भएको थियो ।
