२० पुस, काठमाडौं । नेपाली कांग्रेसका महामन्त्री गगन कुमार थापाले चुनावमा सबैभन्दा धेरै मत पाउने दलले पाँच वर्षसम्म सरकार चलाउन पाउने गरी संविधान संशोधन हुनु पर्ने बताएका छन् ।
नेपालमा गठबन्धनको विकृत अभ्यास धेरै भएको भन्दै अब संविधान शंसोधन गरेर पाँच वर्ष सम्म लोकप्रिय मत ल्याउने पार्टीले सरकार चलाउने व्यवस्था गर्नु पर्छ, पोखरामा गण्डकी प्रदेश स्तरीय कार्यकर्ता अभिमुखीकरण कार्यक्रममा बोल्दै उनले भने ।
स्थिर सरकार चलाउन अहिलेको निर्वाचन प्रणाली नै बाधक भएको भन्दै थापाले निर्वाचनमा लोकप्रिय मत पाउने दलले पाँच वर्षसम्म सरकार चलाउन पाउने गरी कानुनी व्यवस्था गर्नुपर्ने बताए ।
‘गठबन्धनको यति तीतो अनुभव हामीसँग रह्यो, गठबन्धनको यति विकृत अभ्यास हामीहरुका सन्दर्भमा भयो । चुनाव अगाडिका लागि मात्र होइन, चुनाव पछि पनि हेर्नुस् त यसबीचमा हामीले कतिवटा सरकार बदल्यौं ?’ पूर्वमन्त्री समेत रहेका थापाले भने, ‘सरकारमा बसेको प्रधानमन्त्रीले हरेक दश दिनमा यो सरकार बदलिन्न भन्नुपर्ने अवस्था छ । भाषण यो सरकार बदलिन्न भन्नेबाट सुरु हुन्छ ।’
‘
