काठमाडौँ, १६ मङ्सिरः स्थानीय तहमा रिक्त विभिन्न ४१ पदका लागि आज भएको उपनिर्वाचन शान्तिपूर्ण रुपमा सम्पन्न भएको छ ।
बिहान ७ बजेदेखि सुरु भएको निर्वाचन अपराह्न ५ बजेसम्म सबै निर्वाचनस्थल र केन्द्रमा शान्तिपूर्ण वातावरणमा सम्पन्न भएको निर्वाचन आयोगका सहसचिव एवं प्रवक्ता नीता पोख्रेल अर्यालले जानकारी दिईन् ।
नगरपालिका प्रमुख एक, उपप्रमुख एक, गाउँपालिका अध्यक्ष दुई, उपाध्यक्ष चार र वडाध्यक्ष ३३ सहित ४१ पदका लागि आज मतदान भएको थियो । यो उपनिर्वाचनमा विभिन्न २० राजनीतिक दल र स्वतन्त्रगरी तीन सय ७६ उम्मेदवार प्रतिस्पर्धी रहेका छन् ।
सबै तहमा मतदाताले उत्साहपूर्ण रुपमा सहभागीता जनाउदा ६१ प्रतिशत मत खसेको छ ।
कीर्तिपुर सहित केही स्थानमा आजैबाट मत गणना शुरु हुनेछ भने गौरीशंकर, सर्केडाडाँ लगायतका पालिकामा भने भोली बाट मात्रै मतगणना शुरु हुने बताईएको छ ।
