नेकपा एमालेका नेता भीम रावलले तानाशी नेतृत्वविरुद्ध प्रतिवाद गर्न आव्हान गरेका छन्। इमान्दार र कर्तव्यनिष्ठ कार्यकर्तालाई तानाशाही शैलीमा स्पष्टिकरण सोध्ने कार्यको विरोध गर्न आव्हान गरेका हुन्।
रावलले सामाजिक सञ्जाल एक्समा पार्टीभित्रको तानाशाही शैलीको प्रतिवाद गर्न आह्वान गरेका हुन्।
सुदूरपश्चिम प्रदेश कमिटी, अछाम र कैलाली जिल्ला कमिटीका सदस्यहरूलाई तानाशाही शैलीमा स्पष्टीकरण सोध्ने र धम्क्याउने कार्य भइरहेको भन्दै पूर्व उपाध्यक्ष समेत रहेका रावलले आपत्ति जनाएका छन्।
उनले लेखेका छन्, ‘एमालेको जबज, परम्परा र संवैधानिक हक विपरीत कुनै बैठक र छलफल नगरी पदको दुरुपयोग गर्दै सुदूरपश्चिम प्रदेश कमिटी, अछाम र कैलाली जिल्ला कमिटीका सदस्यहरूलाई तानाशाही शैलीमा स्पष्टीकरण सोध्ने र धम्क्याउने गलत कार्यको सबै न्याय प्रेमी, इमानदार र सिद्धान्तनिष्ठ व्यक्तिहरूले विरोध र प्रतिवाद गरौँ।’
