कार्तिक २ काठमाण्डौँ । ओली सरकारले सहकारी ठगी प्रकरणमा रास्वपा सभापति रवि लामिछानेलाई पक्राउ गर्ने तयारी गरेको चर्चा चलेको छ । यस अघि पक्राउ गर्ने प्रयास भएको भन्दै रास्वपाले प्रतिवाद गरेको थियो ।
सहकारी ठगी सम्बन्धि संसदीय छानविन समितिले कार्बाहीको सिफारीस गरेकाले पक्राउ पर्ने जानकारी आफूले पाएको बिपक्षी दलहरुको बैठकमा माओवादी अध्यक्ष प्रचण्डले जानकारी दिएका थिए ।
उनले रवि लामिछाने लाई पक्रने संकेत आफूले बताएको जानकारी दिए पछि रास्वपाका नेताहरुले त्यसको प्रतिवाद गर्ने चेतावनी दिएका छन् ।
शुक्रबार नयाँ बानेश्वरमा बसेको प्रमुख प्रतिपक्षी दलहरूको बैठकपछि सञ्चारकर्मीसँग कुरा गर्दै नेता श्रेष्ठले सभापति लामिछानेलाई शक्तिको दुरुपयोग गरी पक्राउ गरे आफूहरू त्यसको प्रतिवादमा उत्रिने बताएका हुन्।
सहकारी प्रकरणमा सघाउन सभापति लामिछाने आफै तयार रहेको उनको भनाइ छ।
सहकारी छानबिन विशेष समितिले सहकारीको रकम अपचलन गरेको आरोपमा गोरखा मिडिया नेटवर्कका अध्यक्ष जीबी राई,तत्कालीन प्रबन्ध निर्देशक लामिछाने र सञ्चालक छविराज जोशीलाई कारबाही गर्न सिफारिस गरेको थियो। तीमध्ये जोशीलाई प्रहरीले पक्राउ गरी अनुसन्धान गरिरहेको छ।
