काठमाडौँ —इजरायलले प्यालेस्टिनी जनतामाथि गरहेको नृशंस संहार र सफायाविरुद्ध नेपालका राजनीतिज्ञ र नागरिक समाजका प्रबुद्ध व्यक्तिहरूले निन्दा गरेको छ । उनीहरुले बुधबार संयुक्त विज्ञप्ति जारी गर्दै इजरायलसमक्ष क्रुर र बर्बर युद्ध तुरुन्त बन्द गर्न माग गरेका छन् ।
उनीहरुले यस्तोमा आफ्नो जीवनमाथि खेलवाड हुनेगरी मृत्युको धराप जस्तो भएको इजरायल, गाजा र लेबनानमा कदापि नजान हामी सबै नेपाली नागरिकलाई अनुरोध गरेका छन् ।
‘युद्ध चलिरहुञ्जेल श्रमको सिलसिलामा इजरायल र लेबनान गएका नेपालीको जीवनरक्षाको लागि बेलैमा उनीहरूलाई नेपाल फर्काउने कदम चाल्न तथा तुरुन्तै पठाउन लागेको नेपाली श्रमिकलाई निश्चित समय रोक्न पनि हामी नेपाल सरकारलाई अपील गर्दछौं’ उनीहरूले भनेका छन् ।
उनीहरुले इजरायल सरकारलाई अबिलम्ब सम्पूर्ण आक्रामक गतिविधि, नृशंस नरसंहार र जातीय सफायाका गतिविधि रोक्न, राष्ट्रसंघलाई पुनर्निर्माण र मानवीय सहायताका कार्य गर्नंदिन, विस्थापित प्यालेस्टिनीहरूलाई आफ्नो बासस्थानमा फर्किन दिन भनेका छ ।
