चितवन असोज १९ । रास्वपाको गढ मानिएको चितवनमै सहकारी पीडितले रास्वपा सभापति रवि लामिछाने बिरुद्ध सहकारी पीडितले प्रदर्शन गरेका छन् ।
लामिछाने बिरुद्ध प्रदर्शन गर्ने चार जनालाई प्रहरीले पक्राउ गरेको छ ।
चितवन–२ बाट प्रतिनिधिसभा सदस्य समेत रहेका लामिछाने शनिबार चितवनवासीसँग भेटघाट कार्यक्रमका लागि नारायणघाटस्थित नारायणी कला मन्दिरमा पुगेका थिए ।
त्यही कार्यक्रमका बीच सहकारीपीडितहरूले विरोध प्रदर्शन गरेका थिए । हलभित्र कार्यक्रम चलिरहेका बेला बाहिर सहारा वहुउद्देश्य सहकारी र सनराइज बचत तथा ऋण सहकारीका बचतकर्ताहरूले विरोध प्रदर्शन गरिरहेका थिए ।
त्यही क्रममा प्रहरीले बचतकर्ता अब्दुल मिया अन्सारीसहित चार जनालाई पक्राउ गरेको हो । पीडितहरूका तर्फबाट शान्तिपूर्ण विरोधसहित ज्ञापनपत्र बुझाउन जाँदा आफूहरूमाथि रास्वपाका कार्यकर्ताले ढुंगा प्रहार गरेको सहकारी पीडितहरुको गुनासो छ ।
क्ष्
