असोज ५ काठमाण्डौँ । प्रधानमन्त्री केपी शर्मा ओली र उनका भारतीय समकक्षी नरेन्द्र मोदीबीच अमेरिकामा भेटवार्ता हुने भएको छ। न्युयोर्कको स्थानीय समयअनुसार आइतबार ९२२ सेप्टेम्बर० साँझ साढे ५ बजे उनीहरूबीच भेटवार्ता हुने भएको हो। यस अघि मोदीले समय नदिदा भेट निश्चित भएको थिएन । मोदी आज बिहान न्युयोर्क प्रस्थान गरिसकेका छन्।
मोदी अमेरिकाको विल्मिङटनमा हुने अमेरिका, अस्ट्रेलिया, जापान र भारत सम्मिलित क्वाड राष्ट्रका नेताहरुको समिटमा भाग लिन त्यसतर्फ गएका हुन्।
संयुक्त राष्ट्रसंघको ७९ महासभामा भारतीय प्रतिनिधिमण्डलको नेतृत्व विदेशमन्त्री एस जयशंकरले गर्ने भएकाले पनि यसअघि मोदीको न्युयोर्क भ्रमणबारे संशय थियो।
क्वाड राष्ट्रका नेताहरूको बैठकमा सहभागी हुन भारतीय प्रधानमन्त्री मोदी आज बिहान अमेरिका प्रस्थान गरिसकेका छन्।
बैठक सकेर मोदी आइतबार साँझ न्युयोर्क पुग्ने कार्यतालिका छ।
न्युयोर्क पुगेसँगै स्थानीय समयअनुसार साँझ साढे ५ बजे नेपाल र भारतका प्रधानमन्त्रीबीच भेटवार्ता हुनेछ।
नेपालका प्रधानमन्त्री ओलीले भ्रमणको निम्तो पठाए पनि भारतले नेपालको प्रधानमन्त्रीलाई भ्रमणमा अझै बोलाएको छैन ।
