साउन २९ काठमाण्डौँ । नेपालमा कुनै पनि व्यक्ति प्रधानमन्त्री भए लगत्तै बधाई दिने र भारत भ्रमणको निम्तो दिई हाल्ने भारतीय परम्परा रहे पनि यस पटक प्रधानमन्त्रीमा नियुक्त भएका केपी ओली प्रधानमन्त्री भएको एक महिना भित्रै नेपाल भ्रमणमा आएका विदेश सचिव विक्रम मिश्रीले प्रधानमन्त्रीसँग भेट गरे पनि औपचारीक रुपमा ओलीलाई भ्रमणको निम्तो दिएनन् ।
यसले ओली चीन परस्त भन्ने भारतीय पक्षको बुझाई हो वा चाहे अनुसार गठबन्धन नबनेर हो ओली सरकारलाई भारतले प्राथमिकता नदिएको स्पष्ट संकेत यो भ्रमणबाट देखिन्छ ।
ििछमेक पहिलो नीति भन्ने मोदीले लिएको नीति अनुसार अहिले दक्षिण एशियाका छिमेकी देशहरुमा भारतीय अधिकारीहरुको भ्रमण जारी छ । विदेश मन्त्री एस जय शंकरले श्रीलंका र माल्दिभ्सको भ्रमण गरेका छन् ।
यही बेला भारतीय विदेश सचिव मिश्री नेपाल आए उनले व्यापक भेटवार्ता गरे । तर द्धिपक्षीय ठोस एजेण्डामा खास सहमति भएको देखिएन ।
कुटनीतिक जानकारहरुले यो पछिल्लो परिघटनाले भारतले वर्तमान सरकारलाई उच्च महत्व नदिएको अथ्र्याएका छन् ।
त्यसै पनि भारतको औपचारीक निम्तो नआएकाले प्रधानमन्त्री ओली बिमस्टेक राष्ट्रहरुको बैठकमा भाग लिन थाईल्याण्ड जाँदैछन् । यस अघि पहिलो पटक प्रधानमन्त्री भएका बेला प्रधानमन्त्री प्रचण्ड पनि भारत नगई शुरुमा चीन गएका थिए । त्यसपछि मात्रै भारत भ्रमणमा गएका थिए ।
त्यसपछि यो पटक ओलीले प्रधानमन्त्री भएपछि भारत भ्रमण नगरी अन्य देशको भ्रमणमा जानु पर्ने भएको छ ।
