असार ३२ काठमाण्डौँ । तेस्रो कार्यकालमा सर्वोच्च अदालतबाटै बर्खास्त भएका प्रधानमन्त्री केपी शर्मा ओलीको चौथो कार्यकालको शुरुमै फेरी सर्वोच्च अदालतमा रिट दायर भएको छ ।
उनले संविधानको धारा ७६ ( २ ) अनुसार प्रधानमन्त्री हुनु असंवैधानिक रहेको कानुन व्यवशायीहरुको ठहर छ । उनीहरुले संविधानको धारा ७६ (३) बमोजिम ठूलो दलको नेता प्रधानमन्त्री हुनु पर्ने भन्दै रिट दायर गरेका हुन् ।
यो रिटमा साउन ६ गतेका लागि पेशी तोकिएको छ । प्रधानमन्त्रीको ओलीको नियुक्ति बदरको माग गर्दै खगेन्द्र चापागाईं, शैलेन्द्र गुप्ता र दीपक अधिकारीले आज सर्वोच्चमा रिट दायर गरेका हुन् ।
राष्ट्रपतिले संबिधानको प्रावधानको विपरित ओलीलाई प्रधानमन्त्रीमा नियुक्त गरेको भन्दै रिट दायर गरिएको छ । रिटमा संबिधानको धारा ७६ को उपधारा ३ अनुसार प्रधानमन्त्री नियुक्त हुनुपर्ने माग गरिएको छ ।
राष्ट्रपति रामचन्द्र पौडेलले आइतबार एमाले अध्यक्ष ओलीलाई संबिधानको धारा ७६ को उपधारा २ अनुसार नियुक्त गरेका थिए ।
