असार २५ काठमाण्डौँ । राष्ट्रिय स्वतन्त्र पार्टी (रास्वपा) ले निलम्बित महामन्त्री डा मुकुल ढकालमाथिको कारबाहीबारे आज निर्णय गर्दैछ ।
ढकालमाथि छानबिन गरी अनुशासन आयोगले प्रतिवेदन तयार पारिसकेको छ।
कारबाहीबारे अन्तिम निर्णय लिन केन्द्रीय समिति बैठक आयोजना गरिएको हो। पार्टीको विधानले कारबाहीसम्बन्धी निर्णय लिन केन्द्रीय समितिको बैठक अनिवार्य गरेको छ।
गत मंगलबार बसेको केन्द्रीय समिति बैठकले ढकाललाई ७ दिनका लागि निलम्बन गरी आवश्यक छानबिनका लागि अनुशासन आयोगलाई जिम्मा दिएको थियो।
केन्द्रीय समिति बैठक मंगलबार बिहान ८ बजे बोलाइएको छ।
महामन्त्री ढकालले एक महिने समीक्षा यात्रापछि तयार पारेको प्रतिवेदन पनि ग्रहण नगर्ने नेताहरूले बताएका छन्। ढकालले पार्टी विवेकशील साझा जस्तो बन्ने भन्दै समिक्षा गर्नु पर्ने बताउदै बैठक लाईभ गर्न माग गर्दै मुखमा टेप टाँसेर बैठकमा बसेपछि उनी बिरुद्ध सबै केन्द्रीय सदस्य खनिएका थिए ।
