नेपाली कांग्रेसले बैशाख १५ गते हुने उपनिर्वाचनका लागि ईलाम- २ मा यस अघिको निर्वाचनमा झिनो मतले पराजित भएका डम्बर खड्कालाई नै टिकट दिएको छ ।
त्यस्तै, बझाङ प्रदेशसभा(१ मा अभिषेक सिंहलाई उम्मेदवार बनाउने निर्णय गरेको छ ।
खड्का इलाम जिल्ला सभापति हुन् । उनी ०७९ को निर्वाचनमा एमाले उपाध्यक्ष सुवासकुमार नेम्वाङसँग ११४ मतले पराजित भएका थिए ।
सभापति देउवाले बुधबारै इलाममा खड्का र बझाङमा सिंहको नाम उम्मेदवारका लागि प्रस्ताव गरेका थिए । यद्यपि, शेखर कोइराला पक्षले इलाममा भेषराज आचार्य र बझाङमा जगत जोशीलाई उम्मेदवार बनाउनुपर्ने भन्दै अडान लिएपछि छलफल लम्बिएको थियो ।
यस पटक खड्काका लागि चूनौती सुवासका छोरा सुहागं , पहिचानवादी डिकेन्द्र सिंह, मिलन लिम्बु लगायतका उम्मेद्धार रहेका छन् ।
यस पटक मुख्य प्रतिस्पर्धा सुहागंसँग हुने आकंलन काँग्रेस नेताहरुको छ । काँग्रेस नेताहरुले यस पटक खड्काले जित्ने दाबी गरेका छन् ।
