फागुण १ काठमाण्डौँ । माओवादी केन्द्रका अध्यक्ष प्रचण्डले जनयुद्धताका एक ठाउँमा रहेका सबै शक्तिबीच एकता आवश्यक रहेको भन्दै आवस्यक परे आफूले पद छाड्न तयार रहेको बताएका छन् ।
उनले प्रतिक्रियावादीहरूको प्रतिरोधका लागि सबै माओवादी घटक तयार हुनुपर्ने पनि बताए ।
पार्टीको विधान अधिवेशनलाई मंगलबार कमलादीस्थित प्रज्ञा प्रतिष्ठानमा सम्बोधन गर्दै माओवादीका सबै शक्तिलाई एक ठाउँमा आउन अपिल गरे ।
‘माओवादी मोर्चका सबै समूहलाई एउटै केन्द्र र मोर्चामा एकताबद्ध बनौँ। अब ढिलो नगरौँ जति ढिला भयो, त्यति क्षति हुन्छ। राजनीतिक रुपमा घाटा हुन सक्छ’, उनले आफूबाट छुटेका शक्तिहरू र तिनका नेतालाई लक्षित गर्दै भने, ‘आउनुस् बसौँ समीक्षा गरौँ, आत्मआलोचा गरौँ। एक भएर प्रतिक्रियावादीको प्रतिवाद गरौँ। मलाई तपाईंहरू अहिले जहाँ भए पनि हिजो सहयोग गर्नु भयो। मलाई स्थापित गर्न सहयोग गर्नु भयो।’
जीवनको उत्तरार्द्धमा पनि देशलाई नयाँ क्रान्तितिर लैजाने संकल्प गरेको छु’, उनले भने, ‘कोही कमरेडहरू आउनु हुन्छ तयार हुनु हुन्छ भने म नेतृत्व छाड्न तयार छु। मलाई नेतृत्वमा बसिरहन मन छैन।’
‘प्रतिक्रियावादीहरूले टाउको उठाउन थालेको भन्दै अब जाई लाग्ने समय आएको उनले बताए ।
