चैत्र ३ काठमाडौं । उपराष्ट्रपतिको निर्वाचन सकिए लगत्तै प्रधानमन्त्री प्रचण्डले अब विस्वासको मत लिने तयारी गरेका छन् । नेपालको ईतिहासमै पहिलो पटक संसदको ९९.२५ प्रतिशत विस्वासको मत पाए पनि त्यो दुई महिना भन्दा बढी टिक्न सकेन ।
एमालेसँगको गठबन्धन टुटेर राष्ट्रपतिमा काँग्रेसलाई सहयोग गर्ने सहमति पछि एमाले र राप्रपाले समर्थन फिर्ता लिएपछि प्रधानमन्त्रीले पुनः विस्वासको मत लिनु परेको हो ।
चैत्र ६ गते संसदमा प्रधानमन्त्रीले विस्वासको मत लिने गरी निवेदन संसद सचिवालयमा दर्ता भएको छ । यस पटक एमाले र राप्रपा बाहेकका दलले प्रधानमन्त्रीलाई विस्वासको मत दिने अनुमान गरिएको छ ।
उपराष्ट्रपतिको निर्वाचन पछि पत्रकारहरुसँग कुरा गर्दै प्रधानमन्त्री प्रचण्डले विस्वासको मत लिएको तीन चार दिन भित्र सरकार विस्तार हुने बताए । प्रधानमन्त्री दाहालले शुक्रबार उपराष्ट्रपतिको निर्वाचनपछि सबै दलहरुसँग बसेर सत्ता बिस्तारको बारेमा पनि छलफल गर्ने प्रधानमन्त्रीले बताए ।
