काठमाडौँ फागुण ३०। पूर्वमन्त्री बद्री न्यौपानेले आफ्नो राजनीति सिध्याउने गरी विशेष अदालतबाट भ्रष्टाचार मुद्दामा दोषी ठहर गरिएको भन्दै धुरु धुरु रोएका छन् ।
मंगलबार पत्रकार सम्मेलन गर्दै उनले आफूले कुनै गल्ती नगरेको पनि दावी गरेका छन् । उनले आफू चुरेभावरको लामो राजनीतिमा रहेको र कुनै आर्जन नगरेको उल्लेख गर्दै आफूसँग कुनै सम्पत्ति नभएको दावी गरे ।
, ‘म एउटा राष्ट्र र जनताको लागि चुरेभावर भएर राजनीतिमा आउँदा मैले एक रुपैयाँ खाएको भए, मेरो बैंक ब्यालेन्स हेरियोस्, मेरो जग्गा हेरियोस् । मेरो केही रहेछ भने तपाईँहरुले मलाई सजाय दिनुहोस् ।होइन भने केही नभएको सुकुम्बासी र राष्ट्रियताको पक्षमा लड्नेलाई राजनीतिक रुपमा ड्यामेज गर्न नखोजियोस् ।’ उनले भने ।
उनले आफूसँग पैसा नभएकोले मुद्धाको पुनरावेदन समेत गर्न नसक्ने अवस्था रहेको दावी गरे ।
भृकुटीमण्डप फनपार्कको जग्गा भाडामा दिँदा भ्रष्टाचार गरेको अभियोगमा उनलाई अदालतले ९ वर्ष ६ महिना कैद सजाय सुनाएको थियो । साथै करोडौँ जरिवाना र विगो समेत तोकिएको छ ।
उनी सँगै अन्य विभिन्न व्यक्तिलाई पनि जरिवाना र विगो तोकिएको छ । काँग्रेस सांसद टेक बहादुर गुरुगंलाई जरिवाना मात्र तोकिँदा न्यौपानेलाई भने जेल सजाय समेत तोकिएको छ ।
