फागुण १५, काठमाण्डौँ । प्रधानमन्त्री प्रचण्डले दोस्रो पटक विस्वासको मत लिने तयारी गरेका छन् । सो विस्वासको मत आगामी राष्ट्रपतिको चुनाव अघि नै लिने तयारी प्रधानमन्त्रीले गरेका छन् । फागुण २५ मा राष्ट्रपतिको निर्वाचन हुँदैछ ।
यस अघि संसदको ईतिहासमै पहिलो पटक ९९.२५ प्रतिशत विस्वासको मत पाएका प्रधानमन्त्रीले सो विस्वास राष्ट्रपतिको चुनावको तयारीसँगै गुमाउन पुगे । अब काँग्रेस सहितका दलले उनलाई विस्वासको मत दिने समझदारी छ ।
हाल थुप्रै मन्त्रालयको कार्यभार आफैले सम्हालेका प्रधानमन्त्रीले मन्त्रीपरिषद् विस्तार भने चुनाव पछि मात्रै गर्ने तयारी गरेका छन् । सरकारका प्रवक्ता एवं सञ्चार मन्त्री रेखा शर्माले राष्ट्रपतिको निर्वाचन पछि मात्रै मन्त्रीपरिषद् विस्तार हुने जानकारी दिईन् ।
हाल एमाले र राप्रपा सरकारबाट बाहिरिएका छन् । रास्वपाले सरकारको समर्थन कायम राखे पनि मन्त्रीहरु भने फिर्ता गरेको छ ।
