पुष १० काठमाण्डौँ । अन्तिम सम्म पनि प्रचण्डलाई पहिलो प्रधानमन्त्री बनाउन तयार नहुँदा र राष्ट्रपति समेत छाड्न नमान्दा अन्ततः नेपाली काँग्रेसको हातबाट सबै शक्ति गुम्ने देखिएको छ ।
बालुवाटारमा सहमति नहुना साथ बालकोट पुगेका प्रचण्डले एमाले सहित बैकल्पिक गठबन्धन बनाएर शक्ति बाँडफाँटमा नयाँ समझदारी बनाएसँगै काँग्रेस शक्ति विहीन हुने देखिएको छ ।
काँग्रेस वरिष्ठ नेता रामचन्द्र पौडेलले काँग्रेसको हातबाट सबै गुमेको स्वीकार गरेका छन् ।
काँग्रेस भित्र प्रचण्डलाई पहिलो प्रधानमन्त्री बनाउन तयार नहुँदा अब देउवा दबाबमा आएका हुन् ।
प्रचण्डलाई प्रधानमन्त्री बनाउन एमाले, माओवादी, राप्रपा, रास्वपा, जसपा, जनमत पार्टी तयार भएसँगै प्रचण्डले लगभग आजै प्रधानमन्त्रीमा शपथ लिने छन् ।
यता एमालेले अब राष्ट्रपति पाउने भएको छ । एमालेले कसलाई राष्ट्रपति बनाउने भन्ने निश्चित नभए पनि राष्ट्रपति पाउने सहमति भएको छ । यसै गरी सबै जसो प्रदेशमा एमाले नेतृत्वको गठबन्धनको सरकार बन्ने पनि निश्चित देखिएको छ ।
