कार्तिक ४ ईटहरी । एमालेकी नेतृ एवं सुनसरी क्षेत्र नं ३ की उम्मेद्धार भगवती चौधरीले यस पालीको चुनावमा पनि परिणाम आफ्नो पक्षमा नआएमा सिधै गोली हान्न र छुरा हान्ने धम्की दिएकी छन् ।
काँग्रेसका बिजय कुमार गच्छेदारसँग तीन पटक लगातार पराजीत भएकी चौधरी चौथो पटक तिनै गच्छेदारसँग प्रतिस्पर्धामा छिन् ।
आज ईटहरीमा कार्यकर्ताहरुलाई संवोधन गर्दै चौधरीले परिणाममा तलमाथि भए आफैले गोली ठोक्ने धम्की दिएकी हुन् । ‘भोलिपर्सि त्यस्तो हुनसक्छ भने त्यसलाई गोली ठोक्नुपर्यो भने, छुरी हान्न परे पनि भगवती चौधरी तयार छु,’ उनले भनिन् ।
मर्ता क्या नहि कर्ता १ अन्तिम अवस्थामा त्यस्तो भयो भने, त्यस्तो चुनौती आयो भने म स्वयं भन्छु, भगवती चौधरी म उम्मेदवार हुँ । यदि साँच्चिकै मानेन त्यहाँ धाँधली र गलत प्रक्रियाहरु, दुष्प्रयास भयो भने त्यसलाई तोड्नका लागि पहिलो फायरिङ मैले नै गर्छु ।
यो अभिव्यक्तिलाई प्रशासनले गंभीरतापूर्वक लिएको र अध्ययन गर्ने र निर्वाचन आयोगलाई जानकारी गराएर छलफल गर्ने तयारी भएको जिल्ला प्रशासन कार्यलय स्रोतले जनाएको छ ।
