भोजपुर १ कार्तिक । भोजपुरका एमाले उम्मेद्धार शेरधन राईले चुनावपछि आफू मन्त्री हुने भन्दै मतदाता रिझाउन थालेका छन् । आज भोजपुरको षडानन्द नगरपालिकाको बोयामा आयोजित एक कार्यक्रममा चुनाव जितेपछि आफू सांसद मात्र हैन मन्त्री नै बन्ने दावी गरे ।
सांसदको हैसियत माग्ने जस्तो मात्र भएको भन्दै संसदमा जाने निदाउने, उघ्ने र भत्ता पचाउने मात्र काम हुने भन्दै मन्त्री भएपछि मात्रै केही गर्न सकिने बताए ।
उनले गठबन्धनका तर्फबाट प्रतिस्पर्धी रहेका माओवादी केन्द्रका उम्मेद्धार सुनद किराँतीले दश बर्षमा केही गर्न नसकेको भन्दै कटाक्ष गरे ।
जिल्ला डुल्ने, ढुंगा उचाल्ने, बोरा उचालेको फोटो खिचेर फेसबुकमा हाल्ने बाहेक १० वर्षमा भोजपुरका जनताले के पाए सुदनबाट भन्दै बिरोध गरे ।
त्यसो त शेरधन राई ५६ सालदेखि पटक पटक सांसद मन्त्री, मुख्यमन्त्री हुँदा समेत काम हुन नसकेको भन्दै आलोचना हुने गरेको छ ।
