भदौ २८ बारबिसे । सिन्धुपाल्चोकको बाह्रबिसे नगरपालिका ७ घुम्थाङको नागपुजे र भीरकोट तथा जुगल गाउँपालिका ५ चनौटेमा पहिरो जाँदा २४ घर पुरिएको छ । गए राति देखि परेको अविरल वर्षाका कारण गएको पहिरोमा परि नागपुजेको ६ घर, भीरखर्कको १२ घर र चनौटेको ८ घर गरी २४ घर पुरिएको हो ।
नागपुजे र भीरखर्कमा पहिरोले पुरीएर वेपत्ता भएका मध्य ३ जनाको शब फेला परेको छ भने २४ जना वेपत्ता छन् ।नागपुजेको श्रेष्ठ टोलका १५ जना र भीरखर्कका ९ जना गरी २४ जना वेपत्ता भएका हुन् । नागपुजेका एक र भीरखर्कका विक टोलका दुई जनाको शव भेटिएको छ ।
मृतक मध्य २ जनाको परिचय खुलेको छ । मृतक दुई जनामा शव २४ वर्षीय जुनमाया विक र ४० वर्षीय सर्कीनी प्रधान रहेकी छन ।
नागपुजेका ७० वर्षीय भक्तिमाया श्रेष्ठको शव भेटिएको प्रहरी निरिक्षक नवराज न्यौपानेले जानकारी दिनु भयो । नागपुजेमा स्थानीय, शसस्त्र प्रहरी, नेपाल प्रहरीले वेपत्ता भएकाको खोजी गरिरहेका छन् ।
वर्षाका कारण कच्ची सडक बन्द रहेकाले उद्धार गरिएका पाँच घाइतेको थप उपचारका लागि पठाउन समेत कठिन भएको छ ।
घटनास्थल पुगेर प्रहरीले १२ वटा घरमा पुरिएकाहरुको खोजी कार्य शुरु गरेको छ ।
यता जुगल गाउँपालिका ५ चनौटेमा गएराति पहिरोले ८ घर पुरिदा तीन जना घाइते भएका वडाध्यक्ष सनत अधिकारीले जानकारी दिनुभयो ।
पहिरो आएपछि स्थानीय भागेकाले मानवीय क्षति नभएको उहाँले बताउनुभयो । पहिरोका कारण ५० घर जोखिममा परेका छन् ।
भिडियाे /तस्बिर हेर्नुहाेस्
तस्बिर भिडियाेः जनक श्रेष्ठ
