काठमाडौं ।
चर्चित युवा गायक रामकुमार कार्कीको नयाँ लोक गीत ‘म त लाहुरे’ बजारमा आएको छ । गायक कार्कीको आफ्नै युटुब च्यानलबाट उक्त गीत रिलिज गरिएको हो ।
घर त मेरो रामेछाप जिल्ला, कोइली चरी, कालापानी हाम्रै हो जस्ता चर्चित गीत बजारमा ल्याइसक्नुभएका कार्कीको नयाँ मौलिक गीत ‘म त लाहुरे’मा राम कुमार पौडेलको लय शब्द संगित रहेको छ ।
गीतमा स्वर रामकुमार कार्की र कमला खड्काले स्वर दिएका छन् । म्युजिक भिडियोमा चर्चित मोडल अन्जली अधिकारी, रामचन्द्र बोहरा, रुपेश दानी, सुजन थापा र प्रेम खड्कालगायतको अभिनय रहेको छ ।
भिडियोको निर्देशन बिक्रम चौहान, छायांकन प्रकाश खड्का र सम्पादन मिलन बिस्वकर्माले गरेका छन् । रामेछापका युवा कलाकार रामकुमार कार्की नेपाली लोक तथा दोहोरी गीत संगीत क्षेत्र सम्वृद्धिका लागि बिगत निकै लामो समय यता क्रियासिल छन् । उनले एकपछी अर्को गर्दै निकै उत्कृष्ट गीत संगीतका उत्पादनहरु बजारमा ल्याइरहेका छन् । कार्कीका हरेक गीतहरुमा आफ्नै कला संकृति र मौलिकता पाईन्छ ।
भिडियो हेर्नुहोस :
