कञ्चनपुर, ८ असार । भारतबाट तस्करी गरी ल्याईरहेको सुर्तीजन्य पदार्थ सहित प्रहरीले तीनजनालाई पुनर्वास २ पुरैनाबाट पक्राउ गरेको छ । सोमबार बिहान तीन बजेतिर थाना ईञ्चार्ज वकिल बहादुर सिंहको नेतृत्वमा ईलाका प्रहरी कार्यालय त्रिभुवन बस्तीबाट गएको टोलिले उनीहरूलाई पक्राउ गरेको हो ।
पक्राउ पर्नेमा पुनर्वास ४ बस्ने खेमराज जोशी९बर्ष ३६०, बेलौरी २ बस्ने जगदीश चौधरी ९बर्ष२१० र बेलौरी २ कै समीर चौधरी ९वर्ष२२०रहेका छ्न । उनीहरुले दुईवटा मोटरसाइकलमा चारवटा कट्टा भित्र सो सुर्तीजन्य पदार्थ लुकाईछिपाई ल्याईरहेका थिए ।
खेमराज जोशीले चलाइरहेको से ५ प ४९०४ नम्बरको पल्सर मोटरसाइकलमा सुपार पावर सुर्ती ४८० पाकेट ,जगदीश चौधरीले चलाईरहेको से ७ प ७२१२ नम्बरको होण्डा साईन मोटरसाइकलमा पछाडि बसी समीर चौधरीले समाईराखेको अवस्थामा ४४ पाकेट बिडी,सुपर पावर सुर्ती १०० पाकेट बरामद भएको छ ।
पक्राउ अभियुक्तहरुलाई मोटरसाइकल सहित सोमबार नै त्रिनगर भन्सार कार्यालय, कैलाली चलान गरिएको इलाका प्रहरी कार्यालय त्रिभुवन बस्तीका ईञ्चार्ज वकिल बहादुर सिंहले जानकारी गराए ।
