जिन्दगीको रित्तो झोली भराउने मन छ
भोट मागी भेडाको हुल चराउने मन छ !

वर्षौँसम्म जेल बसें देश सम्झी त्याग‌ गरें
ख्वामित् बनी हुक्केलाई अराउने मन छ !

दु:ख कष्ट कति काटें लगानी छ धेरै ठुलो
अब सत्ता पनि रखौटीझैँ गराउने मन छ !

बोल्न पनि आवाज दब्ने कण्ठबाट अब
महाराजाझैँ ठुलो स्वरले कराउने मन छ !

बल्ल तल्ल कुर्सी चढें हिसाब साफ गर्छु
दुश्मन जति आजै खोली तराउने मन छ !

बिर्सिएर पुराना ती हात्ती चप्पलको कथा
अब सँधैभरि नै वैकुण्ठमा हराउने मन छ !

गद्धारहरुको गीत

कविता-    दुर्गी

सिरानचोक गाउँपालिका पूर्व अध्यक्ष गुरुङलाई सम्मान

कुतः पिकाकबाट तीन स्रष्टा पुरस्कृत

पद्मश्री साहित्य पुरस्कारको संक्षिप्त सूची सार्वजनिक, पाँच कृति अन्तिम छनोटमा

विचौलिया र बुख्याँचाहरू