एजेन्सी, १२ चैत । कोरोना भाइरसको संक्रमण फैलीएपछि अमेरीकामा रहेकी बलिउड नायिका सौन्दर्या अमेरीकामा अलपत्र परकी छन् । उनले स्वेदश फर्कने तीन वटा फ्लाईट रद्ध भए पछि आफूसगँ मास्क समेत नभएको भन्दै चिन्ता जनाएकी छन् ।
महामारीबीच ‘रांची डायरीज (२०१७)’ र ‘मेरठिया ग्याङ्गस्टर्स (२०१५)’ जस्ता फिल्मकी नायिका सौन्दर्या शर्मा अमेरिकाको लस एन्जल्समा फसेकी हुन् ।
उनी त्यहाँ पढ्न गएकी थिइन् । कोरोना भाइरसका कारण त्यहाँका कलेज बन्द भएका छन् । साथै अनलाइन कक्षा पनि रोकिएका छन् । सौन्दर्याले भारत फर्कने कोसिस गर्दा तीन पटक फ्लाइट रद्द भएको जानकारी दिइन् ।
पसल बस्ने ठाँउबाट टाढा रहेको त्यसमा पनि खाली भएको र सामान पाउन छाडिएको भन्दै चिन्ता व्यक्त गरिन् ।
मैले टोइलेट पेपर र स्यानिटाइजरका लागि मानिसबीच झगडा भएको देखेकी छु । उनले भनिन् । दुतावासले समेत कुनै पहल गर्ला कि भनेर ईमेल र फोन गरेँ तर कुनै रेस्पोन्स आएन , उनको गुनासो छ ।
निवासमै आईसोलेसनमा बसेको र व्यस्त राख्न स्पेनिश भाषा सिकिरहेको उनको भनाई छ ।
