तेस्रो नेपाल–बङ्गदालेश युवा सम्मेलन काठमाडौँमा शुरु

तेस्रो नेपाल–बङ्गदालेश युवा सम्मेलन काठमाडौँमा शुरु

  • शनिबार, फाल्गुन १०, २०७६
  • मिर्मिरे अनलाइन

  • 6.4K
    SHARES

तेस्रो नेपाल–बङ्गलादेश युवा सम्मेलन आजदेखि काठमाडौँमा शुरु भएको छ । युवा विकास केन्द्र, सरसफाइ, वातावरण तथा ऊर्जा नेपाल, दक्षिण एशिया पाटनरसीप ९साप० नेपालको आयोजना तथा नेपालस्थित बङ्गलादेश राजदूतावासको समन्वयमा आजदेखि काठमाडौँमा सम्मेलन शुरु भएको हो ।

सम्मेलनमा बङ्गलादेशबाट २५, नेपालबाट ७५ युवासहित केही नेदरल्याण्ड र भारतका विज्ञहरुको सहभागिता रहेको सम्मेलन आयोजक समितिका संयोजक अभिनभकुमार चौधरीले जानकारी दिनुभयो । सम्मेलनले युवा र युवाबीचको साझेदारीको विकास गर्ने तथा संस्कृतिक हस्तान्तरण, अनुभव आदानप्रदान, आपसी सम्बन्ध विस्तार, पर्यटन प्रवद्र्धनमा टेवा पुग्ने विश्वास लिइएको उहाँले बताउनुभयो ।

दुईदिने सम्मेलनको आज श्रम रोजगार तथा सामाजिक सुरक्षामन्त्री रामेश्वर राय यादवले उद्घाटन गर्नुभयो । मन्त्री रायले युवाको व्यक्तित्व विकास र आपसी सम्बन्ध सुधारका लागि यस्ता सम्मेलन महत्वपूर्ण हुने बताउनुभयो । उहाँले नेपाल भ्रमण वर्षको अवसरमा आयोजित उक्त कार्यक्रमले पर्यटन विकासमा महत्वपूर्ण सहयोग पुग्ने बताउनुभयो । नेपाल र बङ्गलादेशको भषा, संस्कृति र खानपानसमेत उस्तै–उस्तै रहेको उल्लेख गर्दै उहाँले सहकार्य र सुमधुर सम्बन्धलाई अझै प्रगाढ बनाउनुपर्नेमा जोड दिनुभयो ।

नेपालका लागि बङ्गलादेशका राजदूत माश्फी बिन्ते शाम्सले नेपाल र बङ्लादेश बीचको पुरानो सम्बन्ध स्मरण गर्दै दुई देशबीच विद्युत् खरिद सम्झौता भइसकेकाले यसबाट अझै विशेष सम्बन्ध बढ्ने बताउनुभयो । उहाँले दुई देशबीचमा सम्पर्क सञ्जाल बढाउनुपर्नेमा जोड दिँदै नेपालको पूर्वभागको ‘कनेक्टिभिटी’लाई विस्तार गर्नुपर्नेमा जोड दिनुभयो ।

सम्मेलनमा दिगो विकास लक्ष्य, उद्यमशीलता, सामाजिक विकास, जलवायु परिवर्तन, सुशासनलगायत विषयमा छलफल हुनेछ । यस्तै दुई देशका कलाकारबाट संयुक्त सांस्कृति कार्यक्रमसमेत आयोजना गरिएको छ । सम्मेलनमा सहभागी आयोजक समितिका सल्लाहकार पदमराज जोशीले नेपाल र बङ्गलादेशबीच यस्ता कार्यक्रम वर्षको चार÷पाँच हुन थालेको उल्लेख गर्नुभयो । उहाँले यस्ता अभियानले भ्रमण वर्ष २०२० लाई सहयोग पुग्नुका साथै आपसी सम्बन्ध विकासमा कोेशेढुङ्गा हुने बताउनुभयो ।

नेपाल र बङ्गलादेशको सम्बन्ध सुमधुर हुँदाहुँदै पनि नेपालमा आउने बङ्गलादेशी पर्यटकको सङ्ख्या भने न्यून छ । गत वर्ष जम्मा २६ हजार पर्यटक मात्रै नेपाल भित्रिएको अध्यागमन विभागको अभिलेखमा उल्लेख छ ।

यसमा तपाइको प्रतिक्रिया
सम्बन्धित समाचार
Like us On Facebook
Follow Us On Twitter
Mirmire Online ठेगाना:अनामनगर काठमाडौँ
फोन : ०१-५९०१७७५, ९८४१८०८८४९
इमेल : mirmireonline@gmail.com
फेसबुक : facebook.com/onlinemirmire
सूचना तथा प्रशारण बिभाग दर्ता नं.: १७८/०७३-७४
©2016 Mirmire Online. All Right Reserved |  Site By: Sobij
संरक्षक: कल्याण तिम्सिना, प्रबन्ध निर्देशक: सिर्जना तिम्सिना, प्रधान सम्पादक : कृष्ण कुमार श्रेष्ठ, सम्पादक: वाशुदेव तिमिल्सना, प्रवन्धक - श्रीवास दास श्रेष्ठ