अग्नि सापकोटालाई तत्काल पक्राउ गर्न मार्ग गर्दै सर्वोच्चमा रिट

अग्नि सापकोटालाई तत्काल पक्राउ गर्न मार्ग गर्दै सर्वोच्चमा रिट

  • शुक्रबार, माघ १०, २०७६
  • मिर्मिरे अनलाइन

  • 3.7K
    SHARES

काठमाडौं, माघ १० । प्रतिनिधिसभाकाे सभामुखका उम्मेदवार अग्नि सापकोटालाई तत्काल पक्राउ गर्न मार्ग गर्दै सर्वोच्च अदालतमा रिट शुक्रबार दायर भएको छ ।

अधिवक्ता दिनेश त्रिपाठीले हत्या आरोप लागेका सापकोटालाई तत्काल पक्राउ गरी कारबाही प्रक्रिया सुरु गर्न माग गर्दै रिट दायर गरेका हुन् ।

रिटमा सापकोटालाई सभामुख पदमा निर्वाचित नगर्न–नगराउन, निर्वाचन प्रक्रिया तत्काल रोक्न, पक्राउ गरेर अनुसन्धान गर्नु पर्ने, लामो समयसम्म अभियोजन नगरिएकाले प्रहरी अधिकारीहरुलाई पनि कारबाही गरिनु पर्ने र सापकोटामाथिको अनुसन्धान गर्न ‘टाक्स फोर्स’ बनाउनु पनि माग गरिएको छ ।अधिवक्ता त्रिपाठीले विधिको शासन कायम गर्न जघन्य अपराधका आरोपीलाई सभामुख बनाउन नहुने अभिप्रायले रिट दायर गरेको बताए ।

उक्त मुद्दाको पेशी आइतबारका लागि तोकिएको छ । सशस्त्र आन्दोलन जारी रहेका बेला २०६२ वैशाख १६ गते काभ्रेको छत्रबाँझस्थित कृष्ण माध्यामिक विद्यालय व्यवस्थापन समितिका अध्यक्ष अर्जुन लामालाई तत्कालीन माओवादी कार्याकर्ताले अपहरण गरेर हत्या गरेका थिए ।

लामाको शव अपहरणको दुई महिनापछि गाडेको अवस्थामा फेला परेको थियो । घटनामा तत्कालीन माओवादीका नेताहरु सापकोटा, सूर्यमान दोङ, कार्यकर्ताहरू यादव पौडेल, भोला अर्याल, कर्णाखर गौतम, नोर्बु मोक्तानको संलग्नता हरेको भन्दै लामाकी श्रीमती पूर्णीमायाले जिल्ला प्रहरी कार्यालय काभ्रेमा किटानी जाहेरी दिएकी थिइन्।

यसमा तपाइको प्रतिक्रिया
सम्बन्धित समाचार
Like us On Facebook
Follow Us On Twitter
Mirmire Online ठेगाना:अनामनगर काठमाडौँ
फोन : ०१-५९०१७७५, ९८४१८०८८४९
इमेल : mirmireonline@gmail.com
फेसबुक : facebook.com/onlinemirmire
सूचना तथा प्रशारण बिभाग दर्ता नं.: १७८/०७३-७४
©2016 Mirmire Online. All Right Reserved |  Site By: Sobij
संरक्षक: कल्याण तिम्सिना, प्रबन्ध निर्देशक: सिर्जना तिम्सिना, प्रधान सम्पादक : कृष्ण कुमार श्रेष्ठ, सम्पादक: वाशुदेव तिमिल्सना, प्रवन्धक - श्रीवास दास श्रेष्ठ