कमजोर बन्यो पानी पार्ने मौसमी प्रणाली, भोलीबाट मौसममा पूर्ण रुपमा सुधार

कमजोर बन्यो पानी पार्ने मौसमी प्रणाली, भोलीबाट मौसममा पूर्ण रुपमा सुधार

  • शनिबार, माघ ४, २०७६
  • मिर्मिरे अनलाइन

  • 3.5K
    SHARES

४ माघ, काठमाडौं ।
नेपालमा पश्चिमी न्यून चापीय प्रणालीको प्रभाव विस्तारै कम भई मौसममा क्रमिकरुपमा सुधार हुँदै गइरहेको मौसम पूर्वानुमान महाशाखाले जनाएको छ । भोलीबाट भने मौसम पूर्ण रुपमा सुधार हुने मौसमविद् विभूति पोखरेलले जानकारी दिनुभयो ।
आज देशभर आंशिकदेखि सामान्य बदली रही पहाडी तथा तराई भू–भागका एक–दुई स्थानमा हल्का वर्षा र उच्च पहाडी तथा हिमाली भेगका केही स्थानमा हल्का हिमपातको सम्भावना रहेको उहाँले बताउनु भयो ।
आज उच्च पहाडी तथा हिमाली भेगमा भने दिनभर नै हिमपातको जोखिम रहेकोले सो क्षेत्रका सर्वसाधारणलाई सतर्कता अपनाउन आग्रह गरिएको छ ।
गत बुधबार देशको पश्चिम भेगबाट प्रवेश गरेको पश्चिम न्यून चापीय प्रणालीका कारण उच्च हिमाली भेगमा हिमपात र पहाडी र तराई क्षेत्रमा वर्षा भएको थियो । वर्षाका कारण चिसोसमेत बढेको छ । तर, यो प्रणाली आजबाट कमजोर बन्दै गएकाले मौसममा क्रमिक सुधार हुने मौसमविद् पोखरेलको भनाई छ ।
काठमाडौंमा आज बिहान हुस्सु लागेपनि दिउँसोबाट घाम लाग्नसक्ने सम्भावना रहेको मौसमविद् पोख्रेलले जानकारी दिनुभयो ।
यद्यपि, भोलिबाट भने काठमाडौंसहित देशका अधिकांश भूभागको मौसम घमाइलो हुने पोखरेलले जानकारी दिनुभयो । ‘आज घाम र बदलीबीच लुकामारी चले पनि भोलिबाट भने काठमाडौंसहित देशका अधिकांश भागमा घाम लाग्ने देखिन्छ,’ मौसमविद् पोखरेलले भन्नुभयो ।

यसमा तपाइको प्रतिक्रिया
सम्बन्धित समाचार
Like us On Facebook
Follow Us On Twitter
Mirmire Online ठेगाना:अनामनगर काठमाडौँ
फोन : ०१-५९०१७७५, ९८४१८०८८४९
इमेल : mirmireonline@gmail.com
फेसबुक : facebook.com/onlinemirmire
सूचना तथा प्रशारण बिभाग दर्ता नं.: १७८/०७३-७४
©2016 Mirmire Online. All Right Reserved |  Site By: Sobij
संरक्षक: कल्याण तिम्सिना, प्रबन्ध निर्देशक: सिर्जना तिम्सिना, प्रधान सम्पादक : कृष्ण कुमार श्रेष्ठ, सम्पादक: वाशुदेव तिमिल्सना, प्रवन्धक - श्रीवास दास श्रेष्ठ