विराटनगर, २८ पुष । विराटनगर–५ स्थित एभरेष्ट सेकेण्डरी स्कुलले आयोजना गरेको गायनतथा नृत्य प्रतियोगिता अन्तरगत गायन सिनियर तर्फ कक्षा ८ का उत्सव रायमाझि विजेता बनेका छन् । फष्ट रनरअप अस्विन थापा र सेकेन्ड रनरअप संस्कार थापा घोषित भए ।
यस्तै गायनजुनियर तर्फ श्रीदिमा प्रधान प्रथम भइन् भने फष्ट रनरअप आदित्य यादव र सेकेण्ड रनरअप रिद्दि पौडेल भए । यसैगरि नृत्य विधामासिनियर तर्फ मानस्वी खनाल विजेता बनिन् भने फष्ट रनरअप पुर्णिमा पौडेल र सेकेण्ड रनरअप रेनिज राजवंशी घोषित भए । नृत्यको जनियर तर्फ श्रीदुलाखनालविजेताभइन् भने सारा उप्रेती फष्ट रनरअप र आयुष्मा गिरि सेकेण्ड रनरअप घोषित भइन् ।
प्रतियोगितामा गायन विधामा सुरज बानिया र अनुपमा चौधरी र नृत्य विधामा मणि लिम्बु र निश्चल मगरले निर्णायकको भूमिका निर्वाह गरेका थिए । प्रतियोगिताको विजेता, फष्ट रनरअप र सेकेण्ड रनरअपले क्रमशः नगद ५ हजार , ३ हजार, २ हजार सहित शिल्ड र प्रमाणपत्र प्राप्त गरे ।
विराटनगरको विरेन्द्रसभा गृहमा सम्पन्न फाइलन प्रतियोगितामा गायन तर्फ सिनियर र जुनियर तर्फ ५ – ५ जना प्रतियोगीता फाइनल पुगेका थिए । नृत्य तर्फ भने दुवै समूहबाट ६–६ जनाप्रतियोगिले फाइनलमा भाग लिएका हुन् । प्रतियोगिहरु मंसिरदेखि शुरु भएको प्रतियोगिताको विभिन्न चरणपार गर्दै फाइनल सम्मपुगेका हुन् ।
राष्ट्रिय प्रतियोगिताको झल्को दिने गरि आयोजित फाइनल समारोहमा विद्यालयका बालबालिकाले सामुहिक नृत्य र जेष्ठ नागरिकको सम्मान गर्नुपर्छ भन्ने सन्देश बोकेको हजुरवुवानामक नाटक समेत मञ्चन गरे ।
्रतियोगिताको समापन समारोहमा बोल्दै प्रदेश १ का सामाजिक विकास मन्त्री जीवन घिमिरेले यस्ता प्रतियोगिताले बालबालिकामा अन्तरनिहित क्षमतालाई प्रष्फुटन गर्न सघाउ पुग्ने विश्वास ब्यक्त गरे ।
कार्यक्रममा विद्यालयका प्राचार्य तथा प्याब्सनका केन्द्रीय अध्यक्ष टीकाराम पुरीले बालबालिकालाई औपचारीक शिक्षासँगै सीप र प्रविधिलाई सँगै जोडेर शिक्षा दिनु आजको आवश्यकता रहेको औल्याए । उनले आउँदो शैक्षिकसत्र देखि नै एभरेष्टले कक्षा७ सम्म पुर्णतयाप्रविधि र सीपसँगजोडेर अध्यापन गराउने समेत उद्घोष गरे ।
