पुस १०, कास्की । नेपाल कम्युनिष्ट पार्टीका तत्कालिन काँस्की जिल्ला सेक्रेटरी आक्रोस, स्याङ्जा सेक्रेटरी गोकुल, बिधार्थी संगठनका केन्द्रीय सदस्य मिलन राई, काजी गुरुङ रिहा भएका छन् । लामो समय हिरासत बसाइपछि उनीहरू बिहिवार सर्वोच्च अदालतको आदेशमा रिहा भएका हुन् ।
उनीहरुलाई बिहिबार काठमान्डौ उच्च अदालतबाट न्यायधिस इश्वर प्रसाद खतिवडा र तेज बहादुर केसीको सयुक्त इजलासले बाध्यकारी आदेश दिएपछि रिहा भएका छन् ।
निबेदकका तर्फबाटवरिष्ठ अधिबत्ता एकराज भण्डारी, अधिबत्ताहरु कपिलचन्द्र पोख्रेल, दयाराम पोख्रेल, सन्तोष कोइराला लगायतले बहस गरेका थिए ।
कास्की जिल्लाको अन्नपूर्ण गाउँपालिका–११, उरीस्थित आमा समूहको भवनमा अखिल क्रान्तिकारी कास्की र पृथ्वीनारायण क्याम्पस जिल्ला कमिटीको संयुक्त बैठक बसिरहेका बेला उनीहरु समेतका २१ जना नेता तथा कार्यकर्तालाई प्रहरीले गएको जेठ २५ गते गिरफ्तार गरेको थियो।
त्यसपछि उनीहरुलाई अदालतले छाड्ने र प्रहरीले गिरफ्तार गर्ने क्रमसंगै प्रहरीले अहिलेसम्म ९ जिल्ला पुर्याएको थियो । आज अदालतको बाध्यकारी आदेशमा उनीहरू रिहा भएका हुन ।