एजेन्सी, १२ मंसिर । भारतीय क्रिकेट टीमका पूर्व कप्तान एमएस धोनीले सबै पुरुष विवाहभन्दा अघि सिंह हुने बताएका छन् ।
मङ्गलबार विवाहका लागि वरवधु खोज्ने एक वेबसाइटद्वारा चेन्नाईमा आयोजित कार्यक्रममा उनले भने, ‘म आदर्श पति भन्दा पनि अब्बल हुँ किनभने म मेरो पत्नीलाई त्यो सबैकुरा गर्न दिन्छु जो उनी चाहन्छिन् । मेरी पत्नी केवल त्यतिबेला खुसी हुन्छिन् जब म उनले भनेको हेरक कुरालाई ‘हो’ मा जवाफ दिन्छु ।
उनी यस वेबसाइटको ब्रान्ड एम्बासेडर हुन् । उनको यो बयान यतिबेला समाजिक सञ्जालमा भाइरल बनिरहेको छ । धोनीले सन् २०१० को जुलाई ४ मा साक्षीसँग विवाह गरेका थिए । उनीहरुको एक जना छोरी पनि रहेकी छन् । उनको नाम जीवा हो ।
पूर्व भारतीय कप्तानका अनुसार मानिसहरुलाई विवाहको सही मतलब ५० वर्षको उमेर पार गरेपछि थाहा हुन्छ । ५५ वर्ष पुगेपछि प्रेम गर्ने सही उमेर हुने पनि उनको जिकिर थियो ।
