डेंगाे नियन्त्रणका लागि धुवाँउने विषादी ‘फगिङ’ मानव स्वास्थ्यका लागि घातक, प्रयोग नगर्न पनि सुझाव

डेंगाे नियन्त्रणका लागि धुवाँउने विषादी ‘फगिङ’ मानव स्वास्थ्यका लागि घातक, प्रयोग नगर्न पनि सुझाव

  • सोमवार, भदौ ३०, २०७६
  • मिर्मिरे अनलाइन

  • 8.9K
    SHARES

काठमाडौं, भदौ ३० । डेंगाे नियन्त्रणका लागि धुवाँउने विषादी ‘फगिङ’ मानव स्वास्थ्यका लागि घातक रहेकाे नेपाल स्वास्थ्य अनुसन्धान परिषद्ले जनाएकाे छ । परिषाद्ले उक्त विषादी प्रयोग नगर्न पनि सुझाव दिएको छ । परिषद्ले सोमबार राजधानीमा पत्रकार सम्मेलन गरी फगिङले मानव स्वास्थ्यमा नकारात्मक असर पार्नुका साथै डेंगाे रोगबाहेक लामखुट्टेका प्रजातिको संख्या नरोक्ने भन्दै सचेतता अपनाउन आग्रह गरेको छ ।

डेंगाे नियन्त्रणका लागि जैविक विधि, प्रजनन् स्थान र क्षमतालाई प्रभावित पार्ने तथा खोज र नस्ट अभियान नै प्रभावकारी हुने परिषद्ले जनाएको छ । डेंगाे रोगबारेको चेतना र ज्ञानको अभिवृद्धि नै अहिलेको प्रमुख आवश्यकता भएको परिषद्ले औंल्याएको छ ।

१३ प्रतिशत मानिसलेमात्र डेंगाे रोकथामको उचित उपाय अपनाएको पाइएको छ । पहाडी जिल्लाका १६ र तराईका ५३ प्रतिशत मानिसमा डेंगाे रोगबारे जानकारी भएपनि रोकथामका उपायबारे पहाडी जिल्लाका मानिस बढी सचेत रहेको परिषद्ले जनाएको छ ।

कार्यक्रममा अनुसन्धान परिषद्का प्रमुख डा. अञ्जनीकुमार झाले डेंगाे रोग नियन्त्रण हुन नसके यसले महामारीको रुप लिने डर रहेको बताए ।अहिले नै भयावह हुनुपर्ने अवस्था नरहेको भन्दै डा. झाले आफ्नो घरको सरसफाइमा दिनको एक घन्टा समयमात्र दिए संक्रमण रोकथाम गर्न सकिने बताए । डेंगाेका कारण हालसम्म ६ जनाको मृत्यु भएको स्वास्थ्य तथा जनसंख्या मन्त्रालयले जनाएको छ ।

यसमा तपाइको प्रतिक्रिया
सम्बन्धित समाचार
Like us On Facebook
Follow Us On Twitter
Mirmire Online ठेगाना:अनामनगर काठमाडौँ
फोन : ०१-५९०१७७५, ९८४१८०८८४९
इमेल : mirmireonline@gmail.com
फेसबुक : facebook.com/onlinemirmire
सूचना तथा प्रशारण बिभाग दर्ता नं.: १७८/०७३-७४
©2016 Mirmire Online. All Right Reserved |  Site By: Sobij
संरक्षक: कल्याण तिम्सिना, प्रबन्ध निर्देशक: सिर्जना तिम्सिना, प्रधान सम्पादक : कृष्ण कुमार श्रेष्ठ, सम्पादक: वाशुदेव तिमिल्सना, प्रवन्धक - श्रीवास दास श्रेष्ठ