चितवन, साउन १५ ।
प्राज्ञिक विद्यार्थी परिषद नेपालले एक दिने राष्ट्र निर्माणमा युवाको भुमिका विषयक कार्यक्रम सम्पन्न गरेको छ । कार्यक्रम मार्फत विद्यार्थी परिषद्ले चितवन मेडिकल कलेज इकाई समिति समेत गठन गरेको छ ।
एम.वि.वि.एस अन्तिम वर्षमा अध्ययनरत छात्र प्रदिश पौडेल र वि.डि.एस अध्ययनरत छात्रा प्रज्ञा गुरागाइको संयोजकत्वमा २१ सदस्यीय मेडिकल कलेज इकाई समिति गठन गरिएको विद्यार्थी परिषद्का राष्ट्रिय सचिव छितराज न्यौपानेले जानकारी दिनुभयो ।
उक्त कार्यक्रममा परिषदका राष्ट्रिय संगठन सचिव नारायण प्रसाद ढकालले मेडिकल पढने विद्यार्थीहरुले समाज र राष्ट्रका लागि कसरी काम गर्ने, सामाजिक गतिविधिमा कसरी सहभागी हुने र विद्यार्थी परिषदको राष्ट्रव्यापी कार्य एवं स्थापनाको उदेश्य लगायतका विषयमा आफ्नो धारणा राख्नु भएको थियो ।
डा कालू शर्माले मेडिकल अध्ययन गर्ने विद्यार्थीहरुले नेतृत्व विकासका बारेमा विषय राख्नु भएको थियोे । सह प्राध्यापक ममता न्यौपानेले विद्यार्थी परिषदको यो मानव लाई माधव बनाउने कार्यका लागि शुभकामना प्रदान गर्नु भयो । सो कार्यक्रममा निकट भविष्यका २५० भन्दा बढी डाक्टर एव नर्सहरुको सहभागीता रहेको थियो ।
कार्यक्रममा विद्यार्थी परिषदका राष्ट्रिय संगठन सचिव नारायण प्रसाद ढकाल, चितवन मेडिकल कलेजका सह प्राध्यापक , ममता न्यौपाने, प्रा.डा ममता तिवारी, वरिष्ठ चिकित्सक कालू शर्मा, राष्ट्रिय सचिव एव प्रदेश संगठन सचिव छितराज न्यौपाने, कलेजका प्रसासकीय व्यवस्थापक अरुण कोइराला लगायतका व्यक्तिहरुको उपस्थिति रहेको थियो ।
