–खोमा तरामु मगर
……………..
मलाई कसले भन्छ ?
पुरुषको एउटी ‘भोग्या’
विलासिताकी एउटी ‘दासी’
होर्डिङ बोर्डमा
टाँसिने कथित सौन्दर्यकी ‘विज्ञापन’
हाटबजारमा क्रय विक्रय हुने ‘वस्तु’
एक पुरुषको ‘अर्धाङ्गिनी’
वैंश वासनाकी ‘उन्माद र उत्तेजना’
अर्थात्, सजाएर खेलाइने ‘पुतली’
……… आदि/आदि

कवि जी !
के मेरो परिचय यस्तै–यस्तै हो ?
के म अवला हुँ ?

ए, हिंसाका पुजारीहरु हो !
ए, आफुलाई पुरुषत्वका पौरख ठान्ने
निर्जीव मान्छेहरु हो !
पढ ! मेरो इतिहासको कथा
म हुँ –
–तिनाउका उष्ण हवनकुण्डमा
उभिएकी एउटी अग्निशिखा
–झुपडीमा उज्यालो जन्माउने स्रष्टा
–हुरीमा निर्भय उभिएकी वीरङ्गना
र, म हुँ–
युग बदल्ने अपराजिता जिजीबिषा ।
०००

जेठ २४, ०७६ ।

गद्धारहरुको गीत

कविता-    दुर्गी

सिरानचोक गाउँपालिका पूर्व अध्यक्ष गुरुङलाई सम्मान

कुतः पिकाकबाट तीन स्रष्टा पुरस्कृत

पद्मश्री साहित्य पुरस्कारको संक्षिप्त सूची सार्वजनिक, पाँच कृति अन्तिम छनोटमा

विचौलिया र बुख्याँचाहरू