स्याङजाली लोक तथा भजन गायक लोकेन्द्र सापकोटाले फेरी आठौँ लोक भजन बजारमा ल्याउदै छन् । यस भजनमा स्वस्थानी परमेश्वरीको व्रतकथामा मुख्य भाग (१२ औँ अध्याय) पार्वतीले महादेव पति पाँउ भनी स्वस्थानी परमेश्वरीको व्रत गरेको र भवानीको आशिर्वादले महादेव पति पाएको कुरालाई समेटिएको छ । जसमा लय तथा शब्द स्यम सापकोटाको नै रहेको छ । जसमा लोकेन्द्र सापकोटा, श्रृष्टि सापकोटा लामिछाने, मोहन सापकोटा र जमुना सापकोटा तिवारीले स्वर दिएका छन् ।
पौष शुक्ल पुर्णिमादेखी माघ शुक्ल पूर्णिमासम्म श्रद्धाभक्तिपूर्वक श्री स्वस्थानी परमेश्वरीको पूजाआराधना गरी कथा सुन्ने–सुनाउने गरिन्छ र यो बर्षको स्वस्थानी सुरु हुने समयमा स्वस्थानीलाई नै लक्षित गरी यो भजन निकालिएको सापकोटाले बताए । श्री स्वस्थानी परमेश्वरीको व्रत बस्नाले यस लोकमा सुख, समृद्धि प्राप्त भई मृत्युपछि कैलाशमा पनि बास हुने विश्वास गरिन्छ ।
