नायिका साम्राज्ञी राज्यलक्ष्मी शाहले गाउँले मान्छे मन नपर्ने भन्दै एउटा चलचित्रको अफर नै अस्वीकार गरेकी छन् । उनले गाउँले भूमिका अस्वीकार गरेपछि अर्को कलाकारले अभिनयको मौका पाएकी छन् ।
निर्माता तथा निर्देशक अशोक शर्माकाे नयाँ चलचित्रमा अभिनय गर्न उनले अस्वीकार गरेकी हुन् । उनले लामो समयपछि निर्देशन गर्न लागेको नयाँ चलचित्रको नाम भने तय भएको छैन । तर, कलाकारको नाम भने फाइनल गरिएको छ ।
अशोकले निर्देशन तथा निर्माण गर्न लागेको नयाँ चलचित्रमा सौगात मल्ल, खगेन्द्र लामिछाने, स्वस्तिमा खड्का मुख्य भूमिकामा देखिदैछन् । यो चलचित्रका लागि शुरुमा नायिका साम्राज्ञीलाई अफर गरिए पनि साम्राज्ञीले गाउँले भूमिका भएको भन्दै गर्न नमानेपछि स्वस्तिमालाई अफर गरिएको थियो ।
स्वस्तिमाले भने यो चलचित्रमा काम गर्ने पक्का भएको छ ।यो चलचित्रको छायाँकन माघको अन्तिमबाट शुरु हुने जनाइएको छ । चलचित्रको कथा खगेन्द्र आफैले लेखेका हुन् । चलचित्रलाई आउँदो बर्षको दशैंमा रिलिज गर्ने तयारी अशोकले गरेका छन् । चलचित्रको छायाँकन इलाम, विर्तामोडलगायतका स्थानमा गरिने जनाइएको छ ।
