१९ फागुन, काठमाडौं । नेपाल कम्युनिस्ट पार्टी निकट विद्यार्थी संगठन अखिल (क्रान्तिकारी)ले भोलि शैक्षिक संस्था बन्द गर्ने भएको छ ।
संगठनका महासचिव दिपेन्द्र चलाउनेसहित देशभर नेता कार्यकर्तालाई रिहाइ नगरेको भन्दै विरोधस्वरुप हड्तालको घोषणा गरेको हो ।
यसअघि संगठनका अध्यक्ष पूर्णबहादुर सिंहले विज्ञप्ति जारी गरेर गिरफ्तार नेताहरुको रिहाइको माग गर्नुभएको थियो ।
सिंहले सम्मेलनको तयारीमा रहेका नेता कार्यकर्ता विना कारण गिरफ्तार गरेको भन्दै शैक्षिक हड्ताल गर्ने चेतावनी दिनुभएके छ ।
सरकारले गिरफ्तार नेताहरुको रिहाइको गर्नुको साटो देशभरबाट थप गिरफ्तार गरिरहेकोले पूर्व घोषित शैक्षिक हड्ताल जारी रहेको अखिल क्रान्तिकारीले जनाएको छ ।
“सामाजिक दलाल सत्ताको तुच्छ हर्कतले उनीहरुको दुहाई दिँदै आएको कथित लोकतन्त्रको मुकुण्डो धुजाधुजा भएको छ । गिरफ्तारीको आवरणमा राज्यद्वारा अपहरणमा पर्नु भएका संगठनका महासचिवलगयात सबै कमरेडहरुको विना शर्त यथाशिघ्र रिहाई गर्न जाडदार माग गर्दछौं । अध्यक्ष सिंहले जारी विज्ञप्तिमा उल्लेख छ ।
अखिल क्रान्तिकारीले यसअघि देशव्यापी विरोध प्रदर्शन, प्रचारप्रसार तथा अन्तरक्रिया सहितका कार्यक्रमहरु सम्पन्न गरिसकेको छ ।
भोलि शैक्षिक संस्था बन्द गरेर आफ्नो आन्दोलनलाई सहयोग गर्न अखिल क्रान्तिकारीले सबैमा आग्रह गरेको छ ।
यसैबीच सुर्खेत र बैतडीबाट तीन तीन जना विद्यार्थी नेताहरुलाई प्रहरीले गिरफ्तार गरेको छ ।
महासचिव दिपेन्द्र लगाउनेलाई काठमाडौंको कमलपोखरीस्थित प्रहरी वृतमा राखिएको छ । चलाउनेमाथि सार्वजनिक मुद्दा लगाएको छ ।
