ब्रिटेनका करीब दुई सय कलाकारले सबैखाले उद्योग र स्थानमा हुने यौन दुब्र्यवहार अन्त्यका लागि अपील गरेका छन् ।
सिनेमा, टीभीलगायतमा काम गर्ने ती कलाकारले खुला पत्र लेख्दै सबैखाले उद्योगमा हुने यौन दुव्र्यवहार अन्त्य गर्न अपील गरेका हुन् ।
दि अब्जर्भरमार्फत खुल्ला अपील गर्नेमा एम्मा थम्पसन, केरिया नाइट्ली, एम्मा वाट्सनलगायतका ख्याती प्राप्त कलाकार छन् ।
एम्मा वाट्सनले त त्यस्तो दुव्र्यवहारमा परेका महिलाको सहयोग अभियानका लागि दश लाख पाउण्ड सहयोग नै दिएका छन् ।
केरिया नाइट्ली र टम हिड्डलेस्टनले पनि दश हजार पाउण्ड दिनुभएको छ ।
यौन दुव्र्यवहारविरुद्ध सांकेतिक विरोधस्वरुप उनीहरु आइतवार राति लण्डनमा हुने बाफ्टा अवार्डको रेड कार्पेटमा कालो पहिरनमा उत्रने छन् ।
उनीहरुको यो पहल हलिवुडले थालेको ‘टाइम्ज् अप’ अभियानप्रति ऐक्यवद्धता मानिएको छ ।
हलिवुडका दिग्गज सिनेमा निर्माता हार्भेई वीन्स्टेइनले फिल्म अभिनेत्रीमाथि गरिएको यौन दुव्र्यवहारको खबर सार्वजनिक भएपछि अहिले विश्वभर नै यसविरुद्ध खुलेर प्रदर्शनहरु भइरहेका छन् ।
